أسئلة وأجوبة على التلقيح

1. أشنو خاصني ندير إلا نسيت نرجع عند الممرض من أجل الجرعة التالية ديال اللقاح؟
إلا أدركت أنك نسيتي شي لقاح، خد الطفل ديالك للمستوصف في أقرب وقت ممكن.

2. واش الطفلة ديالي كتحتاج اللقاح ضد الحصبة واخا كانت مرضات ببوحمرون (داء الحصبة)؟
ماشي ديما ساهل أنك تعرف بوحمرون. باش تكون في أمان، خود الطفلة ديالك تدير اللقاح واخا تكون شاك أنها فايت مرضات ببوحمرون.

3. أشنو ندير إلا ضاع مني سجل التلقيح الخاص ببنتي؟
سير للمستوصف أوالمركز الصحي اللي تلقحات فيه بنتك وطلب منهم بطاقة جديدة. إلا الممرضة سجلات اللقاح لي فايت خداتو بنتك، تقدر بسهولة تعرف أشمن لقاحات دارت من قبل وتسجلهم في البطاقة الجديدة.

4. أشنو ندير إلا شكيت بنتي فيها بوحمرون؟
إلا شكيتي بنتك عندها بوحمرون، خاصك تاخدها للممرضة أو للطبيب باش يفحصوها. حاول تمنعها من اللقاء مع أطفال أخرين، و خاصة الأطفال اللي مزال مادروش اللقاح.

5. أشنو ندير إلا الطفل ديالي كمل عام و باقي مادارش اللقاح ضد بوحمرون؟
ما كاين حتى شي سن محدد لأخد لقاح ضد بوحمرون. إلا كان الطفل ديالك فايت 12 شهر وباقي ماخداش الحقنة الأولى ضد بوحمرون، خاصك تاخدُ للمركز الصحي باش ياخد اللقاح.

6. واش (ت)يقدر الطفل(ة) ياخد اللقاح واخا مريض(ة) ؟
سول الطبيب أو الممرض(ة). إلا وافق الطبيب أو لممرض(ة) فيمكن لك تلقحوا. المرض الخفيف ما خاصوش يحرم الطفل من اللقاح.

7. كنت كنظن أن غير الرضع و الأطفال الصغار هما لي كياخذوا اللقاح. علاش البالغين حتى هما كيحتاجوا للتلقيح؟
ملي كايكبروا الأطفال، التأثير ديال بعض اللقاحات كيولي ضعيف. الحقنات الإضافية ضرورية باش تمنح للجسم حماية أكبر أو باش تحصنو ضد أمراض أخرى.

8. واش اللقاحات كتمنع الأطفال من الإنجاب في المستقبل؟
اللقاحات آمنة. ما يمكنش ليها تمنع من الإنجاب في المستقبل.