نشروا الوعي وديروا المزيان
كيفاش يمكن لك تعاون
1. تابع UNICEF ومنظمة الصحة العالمية (WHO) للحصول على آخر المستجدات
ملحوظة: يمكن يطبقوا رسوم البيابات.
* UNICEF Facebook
2. شارك المعلومات مع الأصحاب ديالك
شارك رسائل المواقع الإجتماعية والرسوم من UNICEF على Facebook ،WhatsApp، TikTok ،Snapchat ،Instagram ،Twitter (أولا أي موقع تواصل اجتماعي آخر كتستعملوا) باش تكون متأكد انت والأصدقاء ديالك بيلا عندك معلومات صحيحة!
هاد رابط الموقع غايمدك بمعلومات صحيحة، ولكن ماتنساش تشاركو مع الأصدقاء ديالك!
- (UNICEF’s information](https://www.unicef.org/coronavirus/covid-19]
شارك هاد روابط الموقع في المنتديات عبر الأنترنت و قسم التعليقات في المواقع اللي كتزورها بانتظام.
"1. اختابر المعلومات ديالك
واش كاتعرف الحقائق حول COVID-19؟ دوز الاختبار ديال UNICEF باش تعرف. من بعد تحدى الأصدقاء ديالك باش يدوزوه."
VOICES OF YOUTH .2** قصص، أشعار، رسوم ورسوم هزلية اللي داروها شباب على التجارب ديالهم مع جائحة COVID-19. تسجل وشاركنا القصة ديالك أولا المحتوى الإبداعي ديالك أولا انخارط مع [Voices of Youth on Twitter] (https://twitter.com/voicesofyouth).
3. دير live في مواقع التواصل الاجتماعي
دير live في مواقع التواصل الاجتماعي ووري للناس كيفاش يغسلوا يديهم بالطريقة الصحيحة و/أو هضر على الأهمية ديال التباعد الاجتماعي. تأكد بلي عندك المعلومة الصحيحة قبل ما تشاركها مع الناس - غادي تلقى بزاف ديال المصادر في UNICEF’s website. يمكن لك تشارك في العديد من التحديات المحلية والعالمية ديال مواقع التواصل الاجتماعي باش ننشروا الصحة والسلامة حول COVID-19 أولا باش نرفعوا من المعنويات ديال الناس.
4. دير دورة تعليمية خاصة
الا عندك شي مهارة اولا هواية اللي تقدر ديرها بأمان في الدار (الرقص، الطياب، الشعر، الرياضة، الفن) تقدر تشارك هاذشي مع الأصدقاء ديالك عبر الانترنت باش تفرحهم - وتفرح راسك.
5. تدخل
تدخل ملي تسمع أولا تشوف العائلة ديالك كيشاركوا معلومات غالطة.
1. تكلم مع العائلة ديالك
تأكد بلي جميع أفراد العائلة ديالك كيعرفوا أهمية غسل اليدين والنظافة، التباعد الاجتماعي وفين ممكن يلقاوا آخر المستجدات الصحيحة. نظم واحد الإجتماع عائلي باش تهضر معاهم على هاذ الشي. إلا عندك شي فرد من العائلة اللي ماكيعيش معاك أولا معندوش القدرة باش يشوف المستجدات بانتظام، عيط عليهم. هاذ الشي خاصة بالنسبة للجدود ديالنا (الناس فوق 70) و الآخرين الأكثر تأثرا.
2. ساعد على التعلم واللعب
شوف واش تقدر تعاون خوتك الصغار أولا أفراد العائلة الصغار في القراية واللعب إلا سدوا المدرسة ديالهم.
3. أصدقاء الدراسة
إلا المدرسة أولا الجامعة ديالك سدات، شكل فريق عبر الانترنت مع صديق أو أصدقاء باش تقراو مجموعين أولا تعاونوا بعضياتكم تفهموا الدروس. الدراسة عن بعد تقدر تكون صعيبة على بزاف ديال الناس ويقدر يحشموا باش يطلبوا المساعدة.
4. روح المجتمع
نظم واحد النشاط عبر الأنترنت مع الأصدقاء ديالك، العائلة أولا الجيران باش تاحدوا في هاذ الاوقات الصعيبة. في بعض الدول، الناس نظموا أنشطة الغناء الجماعي والعزف على الآلات الموسيقية مع الجيران ديالهم - وهما كالسين في ديورهم.
5. احتياجات المجتمع
يقدر تكون سابقا عضو في شي مجموعة - إلا كان هاذشي صحيح، يمكن لكم تخدموا مجموعين باش تفهموا كيف كيحسوا الناس ديال المجتمع ديالكم، أشنو هما الاحتياجات ديالهم و أشنو كيشطنهم. يمكن لك تستعمل مجموعات Whatsapp، صفحات Facebook، القوائم، لوحات الرسائل و حتى المكالمات الهاتفية باش تهضر مع الناس وتصاوب لائحة ديال الإحتياجات ديالهم و عرف المخاوف ديالهم. هاذ اللوائح يمكن تشاركوها مع الرئيس المحلي باش يعاونوكم. إلا ما كنتيش عضو من هاذ المجموعات حاول تلقى مجموعة تنخارط معاهم.
