التعايش مع فيروس نقص المناعة البشرية في زمن COVID-19

في الوقت الحالي، ماعندناش معلومات معينة حول خطر ديال COVID-19 على الناس اللي عندهم فيروس نقص المناعة البشرية. الناس البالغين اللي كبار فالسن والناس من جميع الأعمار اللي عندهم واحد الحالة المرضية خطيرة يقدروا يكون عندهم خطر أكبر باش اتصابوا بالوباء، إضافة للناس اللي عندهم جهاز مناعة ضعيف. هادشي علاش خاص إتباع التعليمات الوقائية والحصول على المساعدة إلا بانوا عندنا الأعراض.

• خلّي عندك دائما الدواء اللي غايكفيك لمدة 30 يوم على الأقل.
• خلّي عندك دائما الدواء ديال فيروس نقص المناعة البشرية اللي غايكفيك على الأقل 3-6 أشهر (مضادات الفيروسات القهقرية أو ARVs)، خلال فترة الحجر الصحي و حتى ملي يرجع الوضع للطبيعة ديالُ. إلا مادرتيش ولا ماقدرتيش دير إعادة التعبئة من الدواء ديالك
  قبل ما يسالي اللي عندك، هضر مع المسؤول ديال الرعاية الصحية ديالك باش يقول ليك كيفاش تقدر تحبس العلاج ديالك في وقت مسبق حيت يقدر يتعطل الدواء.
• ماتتكايسش على الدواء ديالك باش يدوم ليك مدة أطول.
• ماشي كل مضادات الفيروسات القهقرية بحال بحال، هداكشي علاش ماخاصكش تاخد الدواء ديال شي واحد آخر.
• خاصك تكون درتي جميع les vaccins ديالك.
• تافق مع شي واحد باش يجي يعاونك إلا جاب الله كنتي مريض وماقدرتيش تخرج من الدار.
• خاصك تكون متأكد بلي تقدر تهدر و تبقا على اتصال مع المسؤول ديال الرعاية الصحية ديالك من خلال مكالمة أو رسالة نصية.
• خليك في مأمن و دائما على اتصال مع العائلة والأصحاب و الآخرين اللي يقدروا يعاونوك.

مازال بزاف ديال العلماء والاطباء معرفوش معلومات اكثر على COVID-19، و من بينهم الجواب على هاد السؤال. ولكن، الناس اللي عندهم مناعة ضعيفة هما أقل قدرة باش يقاوموا الإلتهابات والأمراض - بالإضافة لCOVID-19. بدون أخد مضادات الفيروسات القهقرية، فيروس نقص المناعة البشرية كيهاجم ويضعف جهاز المناعة. هاذشي علاش مهم باش دائما تاخد مضادات الفيروسات القهقرية باش يبقى جهاز المناعة ديالك قوي.

الجواب على هاذ السؤال كيختالف من دولة الى أخرى. الخطوة الأولى هي أنك تشوف مع العيادة ديالك باش تعرف الخيارات اللي يعرضوا عليك وكيفاش تقدر تستافد من الخدمات اللي أنت محتاجها. إلا كان ممكن، أحسن طريقة باش تستاشر مع العيادة ديالك هي باستعمال الهاتف. في هاذ الوقت، إلا كنتي مسجل عند عيادة بعيدة عليك، من الأحسن تمشي للعيادة القريبة ليك. في بعض الدول، إلا كنتي كتحس براسك بصحة جيدة، تقدر ماتحتاجش تمشي للعيادة لمدة طويلة ويمكن تخزن كمية ديال ARVs لي تكفيك لمدة أطول. عيّط على العيادة ديالك بالهاتف، تقدر تدوز لك العيادة الموعد ديالك عبر الهاتف. خاصك تتأكد بلي المعلومات ديالك اللي كاينين عند العيادة حديثة باش يقدروا يتواصلوا معاك. خاصك أيضا تتحقق من أنه عندك الرقم ديال العيادة ديالك باش تعيط ليهم إلا حتاجيتي المساعدة. إلا كان ضروري أنك تمشي للعيادة وتستعمل وسائل النقل العمومية، خاصك تتبع التعليمات الإحترازية الخاصة بCOVID-19 باش تحمي راسك. يمكن تحتاج ورقة كتبرهن بلي عندك موعد عند العيادة ديالك باش تقدر تتنقل - سوّل العيادة ديالك إلا كنتي غاتحتاج الورقة.

إلا قربتي تسالي الدواء ديالك من الأحسن انك تتواصل مع العيادة ديالك أولا تتواصل مع خط المساعدة الصحي المجاني عبر الهاتف باش يقولوا لك أشنو هما الخيارات اللي عندك. البعض ديال هاد الخيارات هي التوصيل ديال مضادات الفيروسات القهقرية
حتى الباب ديال دارك أو التوزيع الإجتماعي الصيدلي. إلا كان ممكن، طلب كمية ديال الدواء اللي تكفيك - على الأقل 3 أشهر - بالأخص قبل الحجر الصحي. إلا كانوا الناس اللي معاك في المنزل كيمشيوا لنفس العيادة اللي كتمشي ليها و عارفين الحالة الصحية ديالك، طلب منهم يجيبوا لك الدواء. إلا كنتي مجبر تمشي تجيب الدواء بنفسك، خاصك تتبع التعليمات الإحترازية.

الى يومنا هذا، مكاينش شي دواء أولا vaccin اللي يمكن له يحد أو يداوي من COVID-19. في أغلب الحالات، الأعراض خفيفة ويمكن تتعالج وأغلب المرضى كيبراو. البحوث مستمرة باش يلقاو الدواء وvaccin الأفضل.

الإتصال بالدفال ديال شي واحد - مثلا عبر البوسان - أولا عبر التعناق أو علاقة حميمية - يقدر بسهولة ينقل COVID-19. COVID-19 كينتاقل عبر قطرات صغيرة من الأنف أو الفم ملي شي واحد كيكحب وكيتنفس وأنت قريب منو. ولكن، مكاينش دليل كيبين بيلا COVID-19 كيتنقل عبر العلاقة الحميمية. إلا كنتي كتعيش مع الشريك ديالك في نفس الدار وكتمارسوا تعاليم السلامة وماعندكمش الأعراض، دائما خاصكم تمارسوا العلاقة الحميمية الآمنة، مثل استعمال الواقي الذكري. إلا كنتي نشيط جنسيا وموانع الحمل قربوا يساليو ليك، بحال الواقي الذكري، أولا حبوب منع الحمل، عافاك تواصل مع العيادة ديالك باش يعطيوك نصائح حول كيفاش تجيب المزيد.

"أنت حر تختار واش بغيتي تشارك الحالة المرضية ديالك كيفما أنه ماخاصكش تحس بيلا راك مجبور تقول للناس الحالة ديالك. ولكن، إا خبرتي مسؤول الرعاية الصحية لي مكلف بيك بالحالة المرضية ديالك أو أي أعراض أخرى، غادي تعاونهم باش يقدموا لك أفضل رعاية ممكنة. خاصك تدير فبالك بلي كاين قوانين كتحمي الحق في السرية ديالك، والمسؤولين على الرعاية الصحية خاصهم يتتبعوا هاد القوانين.

COVID-19 كيخلق الخلعة، القلق و حتى القلق المرضي، ولكن العنف كيبقى ممنوع. إلا حسيتي بللي الأمان ديالك في خطر أولا كنتي كتعاني من التعنيف، عندك الحق باش تطلب المساعدة وتخرج من الدار. دير في بالك بلي الغلط ماشي ديالك. يقدر يكون صعيب يبان لك فين تقدر تطلب المساعدة. فكر فشي واحد كيدعمك وتواصل معه. سول العيادة ديالك أولا عيط على الخط المجاني ديال المساعدة الصحية أولا خط مساعدة الأطفال باش يقدموا ليك الخدمات اللي غاتعاونك.

:للمزيد من المعلومات حول الصحة الجنسية شوف*

[IPPF Blog]

(https://www.ippf.org/blogs/what-you-need-know-about-sex-and-covid-19)

:COVID-19 للمزيد من المعلومات حول الصحة النفسية في زمن*

[UNICEF article]

(https://www.unicef.org/coronavirus/how-teenagers-can-protect-their-mental-health-during-coronavirus-covid-19)

:COVID-19 من أجل معلومات حول الحمل والرضاعة الطبيعية في زمن*

WHO

UNICEF South Africaو

باش نشاركوا بالعمل دخل للموقع* Voice of Youth